O'zbekiston: Aleksandr Lobanov, Egor Krimets, Anzur Ismoilov, Islom To'xtaxo'jaev, Davron Hoshimov, Odil Ahmedov, Aziz Haydarov, Server Jeparov, Jaloliddin Masharipov, Marat Bikmaev, Temurho'ja Abduxoliqov. Tarkib nima deydi? Bugun jamoamizning ustozi Babayan ajoyib tarkib tanlaganiga amin bo'lmoqdaman. Quyida o'z fikrlarimni bayon etsam: Darvozabon Lobanov. Bizda darvozabonlarimizdan ko'nglimiz to'q. Suriya bilan o'yinda darvozabonga ish qolishini xohlamayman. Jamoa ichida turgan odam bizdan ko'proq biladi. Har qalay bugun Lobanovga og'irlik tushmasligini xohlab darvozabonga omad tilaymiz. Himoyachilar: Egor Krimets, Anzur Ismoilov, Islom To'xtaxo'jaev, Davron Hoshimov. Denisovning yo'qligi bugun albatta biroz seziladi. Zoteevning o'rniga To'xtaxo'jaevning tanlangani bekorga emas. Himoyachimizning tajribasi hamda yakka kurashlarda ustunliklari ishonchimizni orttiradi. Davron Hoshimovga qanotda biroz yordam kerak bo'lishi mumkin. Suriya jamoasi bugun qanotdan hujumga ko'proq e'tibor qaratishadi. Denisov qanotida Islom ishonchli o'ynasa, hujum chap qanotga o'tishi mumkin.Bunda esa Hoshimovga yarim himoyachilar albatta yordamga kelishadi. Umuman olganda himoya optimal tanlov! Yarim himoyachilar: Odil Ahmedov, Aziz Haydarov, Server Jeparov, Jaloliddin Masharipov Odil Ahmedov bugun Xitoy klubidagidek uzoqdan aniq to'p oshirishlari bilan hujumchilarga katta yordam berishini kutib qolamiz. Sardorimiz himoyadagi o'yinni mustahkamlab, jamoa o'yini aynan Ahmedov orqali bog'lanadi. Haydarov Hoshimovning qanotidagi havflarda yordamga keladi. Arablar bilan o'ynashda Aziz Haydarovga etadigani yo'q. Masharipovning tezligi qanotdan «reyd»larda qo'l keladi. Jeparovning bugun katta ehtimol bilan hujumchi ortidan o'rin egallaydi. Bikmaevning uzoqdan beradigan zarbalarini bugun ko'rishimiz ehtimoli yuqori. Hujumda:Temurho'ja Abduxoliqov Hujumchimizning ko'rsatayotgan o'yinlaridan shunchaki zavqlanishimiz mumkin. Hujumchimiz uchun bugungi o'yin o'zini ko'rsatish uchun juda ham katta imkoniyat. Temurxo'ja esa bunday imkoniyatni boy beradiganlardan emas. Abduxoliqovdan bugun «dubl» kutishimiz mumkin. Nega Rashidov hamda Shomurodov zahirada? Bizning tajribali o'yinchilarimiz Jeparov hamda Bikmaevning o'yinni 90 daqiqa optimal formada o'ynashi biroz qiyin. Babayan esa ularning tajribadan avvalroq foydalanib, katta ehtimol bilan ikkinchi taym o'rtalarida bu ajoyib hujumchilarimizga imkoniyat berib jamoa o'yinini kuchaytira oladi. Hisob bo'yicha tahmin: Bugungi tarkib mening nazarimda ajoyib tanlandi. Bugun Temurxo'ja hamda Rashidov o'zini ko'rsatadi. Odil Ahmedov ham gollarni sog'ingan. Demak tahminiy hisob Suriya-O'zbekiston 0 3!!! Omadimizni bersin!!! Duoda bo'ling
— deya xabar beradi uff.uz nashri.