FIFA agenti Xota Xordi "Barselona" klubi va "Real" yarim himoyachisi Isko o'rtasida muzokara olib borilayotganini tasdiqladi. Unga ko'ra yarim himoyachi 2018 yilning yozida erkin agent maqomida "Barselona"ga o'tishi lozim.
"Barselona" direktori Isko bilan muzokara o'tkazib ulgurdi. Isko har doim "Barselona"da o'ynashni istagan va endi unda istagini amalga oshirish imkoniyati paydo bo'ldi. Ammo bu juda murakkab transfer bo'ladi", - deydi agent.
Eslatib o'tamiz, biroz vaqt muqaddam "Barselona" Iskoga 20 million evro ko'tarma puli va'da qilgani aytilgan edi. Ammo bu mablag' 5 yil davomida to'lab borilishi lozim. Yarim himoyachiga shuningdek "Yuventus"dan ham qiziqish mavjud.
Isko joriy mavsum Ispaniya chempionatining 22 uchrashuvida 6 ta gol urib, 5 ta golli uzatmani amalga oshirgan.
— deya xabar beradi uff.uz nashri.