"Roma" hujumchisi va sardori Franchesko Totti kelajagi haqida fikr bildirdi. Eslatib o'tamiz, 40 yoshli futbolchining shartnomasi yozda yakuniga etadi.
"Men nima bilan shug'ullanishim haqida ko'p o'yladim. Chunki futbol - mening hayotim.
Menga futbol o'ynash yoqadi va bu ishni 5-10 yil oldingidek bajara olmasligim juda alam qiladi. Ammo murabbiy qarorini hurmat qilaman. Balki Xitoyga ketganimda faoliyatimni davom ettirgan bo'larmidim (kuladi).
Men hammasini hal qilib ulgurdim, ammo bu qarordan qaytishim mumkinligi bois uni aytmayman. Balki yana o'ynarman yoki murabbiylik qilarman. Ammo ofisda o'tirmasligim aniq. Hech bo'lmaganda yangi iqtidorlarni qidiruvchi skaut bo'laman", - deydi Totti.
— deya xabar beradi uff.uz nashri.