Londonning "Chelsi" klubi bosh murabbiyi Antonio Konte "Barselona" hujumchisi Neymarga mutlaqo qiziqish bildirmayapti. Xabar qilinishicha, "Chelsi" xo'jayini Roman Abramovich Neymarni sotib olishni Kontega taklif etgan. Ammo murabbiy bu taklifga keskin rad javobini bergan.
Aynan shu sababga ko'ra Antonio Konte yozda jamoadan ketishi haqida xabarlar paydo bo'lgan edi. Garchi "Chelsi" Angliya chempionatida ishonchli tarzda etakchilik qilayotgan bo'lsada, Konte va Abramovich o'rtasidagi kelishmovchilik bois jamoadan ketishi mumkin.
Italiya matbuotida xabar qilinishicha 47 yoshli murabbiyga "Inter"dan qiziqish bor. Milanliklar Kontega yiliga 15 million evro maosh to'lashga tayyor.
Eslatib o'tamiz, Neymarning o'zi yaqinda Angliya chempionatida o'ynash niyati borligini aytib o'tgan edi.
— deya xabar beradi uff.uz nashri.