Xorvatiya terma jamoasi hamda Madridning "Real" klubi yarim himoyachisi Luka Modrich JCh-2018 saralash bahslari doirasidagi Ukrainaga qarshi uchrashuv oldidan o'z fikrlarini bildirib o'tdi. "Ukraina bilan o'yin kunini juda uzoq kutdik. Ukraina terma jamoasi haqida faqat ijobiy fikr bildirish mumkin. Ukrainaliklar hozirda ajoyib natijalarni namoyish etishmoqda, bosqichdagi eng jiddiy raqibimiz aynan Ukraina bo'lishi kerak. Oxirgi paytlarda Ukraina terma jamoasi haqida juda ko'p fikr bildirildi. Shubhasiz, ular Yarmolenko va Konoplyanka etakchiligidagi kuchli jamoa hisoblanishadi. Qolganini esa maydonda ko'ramiz", — deydi Modrich bo'lajak uchrashuv oldidan. Eslatib o'tamiz, Xorvatiya - Ukraina uchrashuvi ertaga Toshkent vaqti bilan tungi 00:45da start oladi.
— deya xabar beradi uff.uz nashri.