Ispaniya futbol federatsiyasi mamlakat kubogi 1/8 finalida "Real"ga qarshi uchrashuvda (3:3) ishqibozlarning madridliklar himoyachisi Serxio Ramosni haqorat qilganlari uchun "Sevilya" klubini jazolashga qaror qildi. 12 yanvar kuni o'tgan o'yindagi voqealar uchun "Ramon Sanches Pisxuan" stadionining ikki tribunasi vaqtinchalik yopib qo'yiladi. Klub bu qarorga esa appelyatsiya bermoqchi. "Real" himoyachisi Serxio Ramos o'sha o'yinda bir gol muallifi bo'lgan va o'yin davomida ishqibozlarning haqoratlariga uchragandi. Eslatib o'tamiz, Ramos 2004-2005 yillarda andalusiyaliklar sharafini himoya qilgan, shundan so'ng Madridga ko'chib o'tgan.
— deya xabar beradi uff.uz nashri.