Vitsel, Oskar, Tevez – Xitoy Superligasining super yulduzlari. Bu kabi yulduzlar uchun to'langan pullar va shartnoma bo'yicha to'lanib borayotgan pullar aqlga sig'mas darajada ko'pdir. Agar Xitoy Superligasi rahbariyatining gaplariga ishonadigan bo'lsak, yaqinda bunaqangi sarf qilinadigan xarajatlar o'z nihoyasiga etishi kerak. Klublarga legionerlar soniga va shartnoma bo'yicha oyliklar va transfer narxlariga cheklov qo'yiladi. Shu bilan Xitoy piramidasiga yakun yasaladi va dunyo hech narsa yo'qotmaydi. O'z faoliyatining qizg'in pallasida borgan yulduzlar o'zlarini-o'zlari so'ndirishlari qoladi, xolos. Har bir gol 14 mln evro Bir yil oldin Xitoy o'z ligasida rekord darajasidagi transferni ro'yobga chiqardi. “Atletiko Madrid”dan Jekson Martines “Guanjou Evergrand” jamoasiga 42,5 mln evro evziga o'tdi. Jeksonni o'zi esa shartnomaga asosan yiliga 12,5 mln ishlab topadigan bo'ldi. Bu shartnoma Martinesni dunyo top-15 taligiga kiritdi. Martinesni odamlar “Portu”dagi urgan ajoyib gollarini hali unutmay Evropani tark etdi. Xitoyda hujumchi zahirada so'nib bordi. Kim Goa Lin degan futbolchini taniydi? Hech kim! Bu 30 yoshli hujumchi Xitoy klublaridan boshqa hech qanday klubda to'p surmaganligiga qaramay, 42,5 mln turadigan Jeksonni zahira o'rindig'iga mixlab qo'ydi. Xitoy klublariga Jekson hech qanday qo'rquv paydo qila olmadi. “Portu” sobiq hujumchisi 10 ta o'yinda maydonda tushib atigi 4 ta gol kiritdi.  Hozirda Martines Xitoyni tark etish niyatida. Meksika klubi “Tigres” kolumbiyalik hujumchini sotib olish niyatida. Agar hujumchi mo'maygina shartnomadan voz kechsa, uning har bir urgan goli “Guanjou” uchun 14 mln evrodan tushadi. Pelle, Jervinyo va Halk Asamoa Gyanning tarixi unchalik yaxshi emas. Chunki uning transferi uchun uncha ham katta pul sarflanmadi. Ammo uning shartnomasi top-klublardagidan qolishmas edi. 20 ta o'yinda 7 ta gol “Shanxay SIPG”ni qoniqtirmadi va Gyanni BAA klublaridan biriga ijaraga berishdi. “Shandun Luen”da ham Gratsiano Pelledan ko'p narsa kutishgandi. Pelledan esa 11 ta o'yinda atigi 5 ta gol ko'rishdi. Hujumchining ajoyib harakatlari va bombardirlik mahoratlari qaerga yo'qoldi? Nima uchun yiliga 16 mlnlik shartnoma tuzishdi unda? Savollar javobsizligicha qolmoqda. O'sha “Roma” klubida tinim bilmay harakat qiladigan Jervinyo ham yiliga 8 mlnlik shartnoma imzoladi. “Xebey Chayna Forchun”dagi natijasi 18 ta o'yinda 3 ta gol va 3 ta golli uzatma. Bu yilda atigi 3 ta o'yinchi, Ronaldu, Messi va Beyl Xalkdan ko'proq maosh olishdi. Yozdan buyon braziliyalik hujumchi atigi 5 ta gol urdi. Uni oqlaydigan faqat bir narsa bor, uning «Zenit»dan “Shanxay”ga o'tganidan so'ng olgan jarohati! Bahaybat Xalk Xitoyni zabt etishi kerak edi. Xitoy Superligasida yaxshi o'yinchilar bormi? Xitoy Superligasida o'zlarining «Oltin to'pi» bor. Uni mavsumning va yilning eng yaxshi futbolchisiga taqdim etishadi. Faqatgina 2011 yil bu sovrin “Guanjou Evergrad” jamoasi o'yinchisiga nasib etmadi. Har galgi «Oltin to'p»ni Superliganing eng boy klubi “Evergrad” futbolchisi qo'lga kiritardi. 6 yil oldin klubga asos solinganiga qaramay, jamoa chempionlikni hech kimga bermay kelmoqda. 2011 yilgi «Oltin to'p»ni braziliyalik  DAVOMI quyidagi linkda
— deya xabar beradi uff.uz nashri.