Germaniya terma jamoasi hujumchisi Tomas Myuller jamoadoshi Lukas Podolskining so'nggi uchrashuvidagi golini fantastika deb atadi va termaga ana shunday futbolchilar etishmasligini ta'kidlab o'tdi.
“Eng yaxshi stsenariy haqida o'ylash mumkin emas. Agar men rejisser bo'lganimda buni ajoyib deb baholar edim. Hech kim ishonmagan bo'lardi. Hozir gap zavqlanish haqida ketmoqda. Odatda o'yin tugaganidan 10 daqiqa o'tib, stadion bo'shab qoladi, ammo o'sha kuni barcha Podolskini tabrikladi. Bu unutib bo'lmas onlar. U asosiy futbolchilardan edi. Keyingi musobaqalarda uni sog'inib qolamiz”, – deya Myullerning so'zlarini keltiradi Goal nashri.
Eslatib o'tamiz, Germaniya – Angliya termalari o'rtasidagi o'rtoqlik uchrashuvida Podolski o'yindagi yagona golga mualliflik qilib, Bundestimning g'alabasini ta'minlagan. Bu uning termadagi so'nggi o'yini bo'lib qoldi.
— deya xabar beradi uff.uz nashri.