Andorra terma jamoasi JCh saralashida o'z maydonida Farer orollari bilan 0:0 hisobida durang o'ynadi.
Shu tariqa Andorra 58 o'yindan iborat mag'lubiyatli seriyaga barham berdi. Ushbu seriya 11 yildan ziyodroq vaqt davom etgan.
2005 yilning 3 sentyabrida andorraliklar Finlyandiya terma jamoasi bilan 0:0 hisobida durang o'ynagan edilar. Shundan buyon o'tgan vaqt davomida jahon va Evropa chempionatlari saralashlarida 11 ta gol urib, 192 ta o'tkazib yuborishgan.
Andorra terma jamoasining g'alabasiz seriyasi esa 66 o'yinni tashkil etadi. Oxirgi marta 2004 yilning fevral oyida San-Marinoga qarshi kechgan o'rtoqlik bahsida andorraliklar 2:0 hisobida g'alaba qozonishgan.
— deya xabar beradi uff.uz nashri.