"Roma" rahbariyati Franchesko Tottining mavsum so'nggida faoliyatini yakunlashini kutmoqda. Football Italia nashrining xabariga ko'ra, fahriy futbolchi o'z kelajaki haqida so'nggi qarorni qabul qilgan va buni mavsum yakunida e'lon qiladi. "Roma" rahbariyati Tottiga faoliyatini yakunlaganidan so'ng boshqa bir lavozimda ishlash taklifini ko'rib chiqishni ma'lum qilgan. Eslatib o'tamiz, 40 yoshli Franchesko Totti joriy mavsum "Roma" tarkibida 20 uchrashuvda maydonga tushib 3 gol va 7 bora foydali uzatmani amalga oshirgan. Ma'lumot uchun, futbolchining rimliklar bilan amaldagi shartnomasi mavsum oxirida yakuniga etadi.
— deya xabar beradi uff.uz nashri.