"Manchester Yunayted" klubi sobiq yarim himoyachisi Pol Skoulz Angliya chempionatida ishtirok etayotgan futbolchilarga baho berib o'tdi.
"Agarda Angliyaga kelayotgan futbolchilarning sifatiga e'tibor qaratsak, bizda Evropa va jahonning eng yaxshi futbolchilari o'ynamayotganiga guvoh bo'lasiz.  Eng yaxshilar "Real" va "Bavariya"da. Biroz imkoniyati pastroqlari esa "PSJ" va "Yuventus"da to'p surmoqda. Bu klublarda o'ynay olmaganlar esa Angliyaga kelmoqda.
Bu gaplarim kutilmagan sovg'a deb o'ylamayman. Agarda futbolchilar haqida so'z yuritadigan bo'lsak, nima deb o'ylaysiz, ulardan qay biri "Barselona"ning asosiy tarkibiga kira olgan bo'lardi? Shaxsan o'zim bunga shubha qilaman. Ulardan hech biri "Real" yoki "Bavariya"da ilk daqiqalardan o'ynamagan bo'lar edi. Balki Serxio Aguero bu ishni uddalashi mumkin edi, ammo boshqalar emas", - deydi Skoulz.
— deya xabar beradi uff.uz nashri.