Quyida to'xtalib o'tilgan futbolchilar statistikasiga nazar solarkansiz, ularning yozgi transfer oynasida ko'hna qit'aning biror bir top-klubidan o'rin olishiga ishongingiz keladi. Gilfi SIGURDSSON Klubi: «Suonsi» Pozitsiyasi: hujumkor yarim himoyachi Yoshi: 27 Transfer bahosi: 17 mln. evro Agar jamoangizga hozirning o'zidayoq kafolotlangan natija kerak bo'lsa, Gilfi aynan siz axtargan nomzoddir. O'ta ishonchli hujumkor yarim himoyachi Evroda o'zini eng yaxshi tomondan ko'rsatdi, APLning joriy mavsumida ham bu ishni munosib tarzda uddalab kelmoqda. GolQpas statistikasidagi havas qilarli ko'rsatkichdan tashqari (25 bahsda 17 ta ijobiy natija), o'yini ham a'lo darajada: o'rtacha har bir uchrashuvda 2 aniq pas. Yana unutmangki, hozirda Sigurdsson o'ynayotgan klub to'pga u qadar ko'p egalik qilolmayapti. Islandiyalikning zarariga ishlaydigan birgina narsa uning bahosidir - «Suonsi» aslo nochor klub emas (barcha ingliz klublari singari) va shu bois, arzimagan chaqalarga o'z etakchisidan ajralishni istamaydi. Adam TRAORE Klubi: «Midlsbro» Pozitsiyasi: o'ng qanot hujumkor yarim himoyachisi Yoshi: 21 Transfer bahosi: 7 mln. Sizga sifat jihatidan yuqori futbolchi lozim bo'lsa va o'sishda doimiy ravishda davom etsa, u holda Adam Traore aynan siz axtargan nomzoddir. Hozirda ispaniyalik Evropadagi eng yaxshi dribling egalaridan biri sanaladi - bir bahs davomida o'rtacha 5,3 marta aldab o'tishlarni amalga oshiryapti. Bunga qo'shimcha ravishda, u - «Barselona» tarbiyalanuvchisidir va bu Traorening to'p uzatish texnikasi yuqoriligini bildiradi. Hozircha Adam natija jihatidan o'zini ko'rsatolmayotgandir, biroq aynan shu narsa xaridorlarga qo'l kelishini ham unutmaslik kerak-ku. Darvoqe, «Barselona» bu futbolchini 10 mln. evro evaziga qayta xarid qilish huquqiga ega. Uilfrid ZAXA Klubi: «Kristall Pellas» Pozitsiyasi: hujumkor yarim himoyachi Yoshi: 24 Transfer bahosi: 9 mln. evro «Kristall Pelas» bu yil quyiga qulashi mumkin, shuning uchun uning futbolchilari yozgi transfer oynasida «arzon pirojki»lar kabi sotilib ketilishi aniq. London jamoasining hozirda eng yaxshi futbolchisi esa Uilfrid Zaxa hisoblanadi. Ivuarlik - APLning eng yaxshi assistentlaridan biridir. Yana, 22ta bahsda 10ta ijobiy natija ham yomonmas. Texnikasi yuqori bo'lgan yarim himoyachi rosa kuchga to'lgan paytdaligini e'tiborga olsak, transferi uchun sanalgan pul beiz ketmasligi ma'lum bo'ladi. Jordan PIKFORD Klubi: «Sanderlend» Pozitsiyasi: darvozabon Yoshi: 22 Transfer bahosi: 1 mln. evro Afsuski, dekabr oxirlarida bu posbon tizzasini jarohatlab oldi va fevral oyi oxirlaridagina yana maydonga qaytdi. Ammo Jordan darvozani qo'riqlagan 4,5 oy davomida aynan u APLning eng yaxshi golkiperlaridan biri deb topilgan edi. 16ta bahs mobaynida hammadan ham ko'ra ko'proq seyvlarni amalga oshirdi va ikkinchi qavatdagi kurashlarda qo'li baland keldi. Yoshi va narxini hisobga olib aytish mumkinki,  (transfermarktdagiga nisbatan ancha ko'proqligi aniq), bu posbon talabga to'liq javob beradi va APLdagi ko'pgina klublar bu imkoniyatdan foydalanib qolishlari ehtimoli yuqori. Seko FOFANA Bu hali hammasi emas, davomi: www.iff.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.