“Manchester Yunayted” klubi rahbariyati “Barselona” jamoasi hujumchisi Neymarning xaridi masalasiga jiddiy kirishgan. Bu haqida Sport.es portali xabar tarqatdi. Ma'lumotga ko'ra, mankunianliklar mavsum oralig'ida 25 yoshli braziliyalik futbolchi uchun shartnomada ko'rsatilgan 200 million evro tovon pulini to'lashga tayyor. Neymarning o'ziga esa “MYu” soliqlar ushlab qolganidan so'ng yiliga sof 25 million evro maosh to'lashga tayyor. Bu esa uning amaldagi topishidan ikki baravar ko'p. Oktyabr oyida futbolchi “Barselona” bilan shartnomasini 2021 yilga qadar uzaytirgandi. Avvalroq, “Chelsi” ustozi Antonio Konte Roman Abramovichning Neymarning londonlik klubga transferi bo'yicha taklifini ta'qiqlab qo'ygandi.
— deya xabar beradi uff.uz nashri.