Toshkentdagi "Bunyodkor" stadionining anjumanlar zalida ertaga bo'lib o'tadigan O'zbekiston - Qatar uchrashuvi oldidan bo'ladigan matbuot-anjumani boshlandi. Biz ushbu sahifa orqali anjumanni yoritib borishga harakat qilamiz. Dastlab, Qatar ustozi Xorxe Fossati va yarim himoyachi Xasan al-Haydoslar savollarga javob berishadi. Undan so'ng Samvel Babayan va Odil Ahmedovlar o'z fikrlarini bayon etishadi. Matbuot-anjumani o'tadigan zalda hozircha sukunat cho'mgan. Matbuot-anjumaniga tashrif buyurgan barcha jurnalistlar o'zlari bilan savollar tayyorlab qo'yishgani bilinmoqda. **** Diqqat, Samvel Babayan kirib keldi. Qatar murabbiyi kechikdi. Unga ajratilgan vaqtda O'zbekiston ustozi savollarga javob qaytaradi... "Malayziyada qayd etilgan natijalar uchun muxlislar oldida uzr so'rayman. Deyarli barcha o'yinlar g'alaba va mag'lubiyat orasida turadi. Suriya bilan o'yinda qaerdadir men xato ham qilgandirman. Afsuski, optimal tarkibda o'ynay olmayapmiz", - deya gapni boshladi Babayan. "Denisov ertaga maydonga tusha olmaydi. Bundan afsusdamiz. Guruhdagi kurash so'nggi turgacha davom etadi. Raqiblar ham ochko yo'qotmoqda. Asosiy maqsadimiz g'alaba qozonish va JCh ga yo'l olish.", - davom etdi O'zbekiston ustozi. Marat Bikmaev:
"Curiyaga qarshi o'yindan keyin o'zimizga kelib oldik va ertaga g'alaba uchun barcha kuchimizni berishga tayyormiz. Muxlislarni stadionga kelib, qo'llab-quvvatlarini so'raymiz." Samvel Babayanning iste'fo va tarkib haqida savolga javobi: "Ayni vaqtda eng kuchli tarkibga ega ekanimiz haqidagi so'zlardan qochmayman. Bu haqiqatdan ham shunday. Balki erataga ham iste'foga chiqarman. Asosiysi, O'zbekiston MTJ JChga yo'l olishi kerak". Babayan davom etadi: "O'zbekiston futbol federatsiyasi bizga barcha sharoitlarni qilib beryapti. Menga haykal qo'yish shart emas". Shu bilan Samvel Babayanga ajratilgan vaqt tugadi.
— deya xabar beradi uff.uz nashri.