O'zbekiston professional futbol ligasi mamlakat chempionatining 4-turidan o'rin olgan uchrashuvlarda xizmat qiladigan hakamlar ro'yxatini e'lon qildi. Navbatdagi turda “Navbahor” Samarqandda “Dinamo” jamoasi mehmoni bo'ladi. 31 mart kuni “Dinamo” o'yingohida o'tadigan uchrashuvni Vladislav Tseytlin boshqarib boradi. Tseytlinga qanotlarda qarshilik Artyom Kalinin va buxoroliklik Bobur Qodirovlar yordam berishadi. Qarshilik Firdavs Norsafarov esa zaxiradagi hakam vazifasini bajaradi. Nazoratchi sifatida navoiylik Shamil Jumaev qayd etilgan bo'lsa Samarqandga PFL vakili sifatida Bobur Haydarov tashrif buyuradi. Jamoamiz a'zolari mamlakat kubogining 1/16 finalidan keyin mashg'ulotlarni davom ettirishmoqda. Kecha Namanganda mashg'ulot o'tkazgan asosiy tarkib vakillari bugun ertalab Toshkentga yo'l olishdi. “Dinamo” bilan bo'ladigan uchrashuv oldidan futbolchilarimiz poytaxtda shug'ullanishadi. Toshkentdagi uch kunlik mashg'ulotlardan keyin esa Samarqandga jo'nab ketiladi.
— deya xabar beradi uff.uz nashri.