Ispaniya chempionatining 11-turidan o'rin olgan "Barselona" hamda “Vilyarreal“ klublari o'rtasidagi uchrashuv o'z nihoyasiga etdi. Unda 3:0 hisobi qayd etilib, kataloniyaliklarning g'alabasi bilan yakunlandi. Dastlabki bo'limda “Barsa”da bir qancha qo'lay vaziyatlar yuzaga kelganiga qaramay, tanaffusga qadar darvozalar dahlsiz qoldi. Nihoyat, ikkinchi bo'limning 60-daqiqasiga kelib Neymar hisobni ochishga muvafffaq bo'ldi. Oradan 10 daqiqa o'tgach, Luis Suares penaltidan hisobni 2:0 ko'rinishga olib keldi. 85-daqiqada yana Neymar tomonidan kiritilgan gol esa o'yinga nuqta qo'ydi. Shu tariqa, “Barselona” “Kamp Nou”da “Vilyarreal” ustidan ishonchli g'alabaga erishdi. Ispaniya chempionati, 11-tur Barselona – Vilyarreal 3:0 (0:0, 3:0)
Gollar: 1:0 – 60 Neymar, 2:0 – 70, penalti Suares, 3:0 – 85 Neymar.
Barselona – Bravo, Pike (Bartra, 82), Alba, Dani Alves, Mate, Serdji Roberto, Buskets, Inesta, Neymar, Munir (Sandro Ramires, 79), Suares.
Vilyarreal – Areolya, Bonera, Kosta, Mario Gaspar, Ruis, Soriano, Pina (Bakambu, 66), Kastilexo (Samu, 79), Dos Santos, Suares, Soldado.
Ogohlantirishlar: Mate (27), Inesta (37), Mario Gaspar (39), Suares (47), Neymar (47), Pike (64), Kosta (69), Bonera (72).
— deya xabar beradi uff.uz nashri.