Odatda, bizga futbolchilarning fikru xayoli faqat futbol bilan banddek tuyuladi. Ularning shaxsiy hayoti, ayniqsa, turmush o'rtog'iga alohida vaqt ajratishi mumkinligi aksariyat muxlislarga g'ayritabiiydek tuyulishi ham bor gap. So'nggi paytlarda jahon va o'zbek futboli vakillarining rafiqasi yoki qallig'ini qanchalar ardoqlashini ijtimoiy tarmoqlar orqali namoyon etishi urfga kirdi. Bugun mana shunday yulduzlarning dil izhorlarini to'pladik. Ko'raylik-chi, bu ro'yxatdan kimlar o'rin olgan ekan? Lionel Messi Zamonamizning eng yaxshi futbolchilaridan biri yashil maydondagi ajabtovur o'yini bilan cheklanib qolmaydi. U kezi kelganda, rafiqasining ko'nglini olishni ham qo-yillatadi. O'z navbatida, Antonella ham «Instagram»ga surat joylab, Messini qanchalik yoqtirishini chiroyli so'zlar bilan ifodalashga urindi. Iker Kasilyas Ispaniyalik darvozabon Iker Kasilyas hamda teleboshlovchi Sara Karboneraning munosabatlari futbolchilarga aloqador eng ta'sirchan sevgi qissasiga aylanib ketdi. Ular ilk bor tanishishganida, to'g'ridan-to'g'ri efirda muhabbatlarining samimiyligini ko'rsatish orqali muxlislarni hayron qoldirishgandi. Bugungi kunda ushbu juftlik ikki farzandni birgalikda tarbiyalashmoqda, tuyg'ular esa hamon o'sha-o'sha - beg'ubor. Iker rafiqasini ardoqlashini takrorlashdan aslo charchamaydi. Sesk Fabregas «Chelsi» yarim himoyachisi va uning suyukli yori Daniela Seman nafaqat go'zal, balki eng romantik juftlik sifatida jahon futbolida o'ziga xos iz qoldirishga ulgurishdi. Ular bir-birlariga har kuni dilrozlarini oshkor etishdan charchashmaydi, ishonmasangiz, Sesk hamda Danielaning ijtimoiy tarmoqlardagi sahifalariga nazar tashlang. Buning natijasida millionlab qizlar xuddi Fabregasdek vafodor yor haqida orzu qilishayotgani ham ayni haqiqat. Neymar Kataloniyaning «Barselona» klubi o'yinchisi yashil maydonda turli xil fintlar ishlatishdan tashqari tuyg'ularini noodatiy tarzda izhor etishni ham ajoyib tarzda uddalaydi. Dani Alves «Yuventus» himoyachisi bir yil oldin sohibjamol model Joannaga ko'ngil qo'ydi va o'tgan vaqt mobaynida bu juftlik o'rtasidagi muhabbat ancha mustahkamlandi. Futbolchining «Ins-tagram»dagi sahifasiga nazar tashlasangiz, uning tuyg'ulari hazil emasligiga amin bo'lasiz. Alvesning navbatdagi dil izhoriga Joanna ham g'aro-yib syurpriz bilan javob qaytardi. Ivan Rakitich Rakel Mauri - xorvatiyalik futbolchi Ivan Rakitichning tanlagan yori. Yaqinda «Barselona» vakili rafiqasini ardoqlashini yana bir karra namoyish etib, umrbod shunday bo'lib qolishiga va'da berdi. Anzur Ismoilov Bu hali hammasi emas, davomi: www.iff.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.