Buyog'iga endi termamizning yaxshi o'yinlariga umid qilamiz va qolganlardan mo''jiza kutamiz. Garchi, nazariy jihatdan hali guruhimizda etakchi o'rinlarni egallashimiz mumkin bo'lsada, 3-o'rinni olib qolsak nima bo'lishi haqida ikki og'iz so'z yuritsak. Buni ayb joyi yo'q, deb o'ylaymiz.
Demak, agar guruhda 3-o'rinni olib, keyingi bosqichga chiqsak, "V" guruhida bizni Avstraliya, Saudiya Arabistoni yoki BAA termasi kutib oladi. "A" guruhida bo'lganimiz uchun birinchi o'yin Toshkentda bo'ladi, biz mezbon bo'lamiz. Ikkinchi o'yinni safarda o'tkazamiz, shunisi, chatoq bo'ladi.
Boring ana u bosqichdan ham o'tdik, deylik... Bizni KONKAKAF mintaqasining 4-jamoasi "tishini qayrab" kutib turadi. U AQSh, Panama, Trinidad va Tobago yoki Gonduras bo'lishi mumkin.
KONKAKAF minatqasining hozirgi holati: Ularning istalgani ham bizga bosh og'rig'i bo'la oladi. Boz ustiga Shimoliy Amerikada futbol boshqacha o'ynaladi. Qani edi, O'zbekiston termasi qolgan barcha o'yinlarni yuta olsa?!
— deya xabar beradi uff.uz nashri.