Ming taassufki, Rossiya mundiali yo'lidagi hal qiluvchi bosqichning ikkinchi davrasi biz uchun omadsiz, yanada aniqrog'i, g'oyat «xira» boshlandi. Boz ustiga, jamoamizdan ustun kelgan Suriya termasi 3-o'rin uchun kurashga qo'shildi. Narigi guruhda esa avstraliyaliklar yana durang qayd etgan bo'lsalar, yaponlar taxminlarni oqlashga tushdilar. Endi turning shu kabi voqea va faktlariga batafsilroq to'xtalamiz. *** O'zbekiston terma jamoasi jahon chempionatlari saralashida 82-marta maydonga tushib, 23-marta engildi. 41ta o'yin jamoamiz foydasiga hal bo'lgan va yana 18tasi durang natija bilan xotima topgan. 23ta mag'lubiyat saralash doirasidagi jami o'yinlarning 28,05 foiziga tengdir. *** Jamoamiz mundiallar saralashida 9-marta 0:1 hisobida yut­qazdi. Xususan, Bahrayn va Eron termalari 2 martadan bitta gol tufayli vakillarimizni mag'lub etishgan. Safardagi o'yinlarda esa 0:1 hisobi 3-marta kuzatildi. *** Uchrashuvda sariq kartochka olgan Islom To'xtaxo'jaev milliy jamoamizning mundial yo'lidagi jami 29ta o'yinida maydonga tushgan - 18 g'alaba, 4ta durang va 7ta mag'lubiyat. U bu bahslarda hakam tomonidan 7 marta ogohlantirilgan. *** So'nggi daqiqalarda penaltini ishonch bilan tepgan Suriya termasi hujumchisi Umar Harbin (1994 yil 15 noyabrda tug'ilgan)ning joriy tsikldagi gollari soni 8taga etdi. Uning Suriya milliy jamoasidagi umumiy statistikasi: 32ta o'yin, 14ta gol. *** Uchinchi bosqichda 12ta gol (S.Arabistoni - 3ta, Avstraliya - 3ta, Qatar -2ta, BAA - 1ta, Yaponiya -1ta, Tailand - 1ta, Suriya - 1ta) penalti orqali urildi. Yagona penalti 3 ochko taqdirini hal qilgan holat esa 3-marta kuzatildi. Bungacha S.Arabistoni - Tailand (2016 yil 1 sentyabr, Navaf al Obid, 84-daqiqa) va Qatar - Suriya (2016 yil 11 oktyabr, Hassan al Haydos, 37-daqiqa) o'yinlarida mezbonlar 11 metrli jarima zarbasidan urilgan bitta gol evaziga g'alaba qozonishgandi. *** Suriya - O'zbekiston o'yinini atigi 350 muxlis bevosita stadionda kuzatdi - bu uchinchi raund boshlangandan buyon qayd etilgan eng past ko'rsatkich. Bundan avvalgi antirekord Tehrondagi «PAS» arenasida o'tkazilgan Iroq - Tailand o'yi­ni (2016 yil 6 sentyabr)da kuzatilgandi - 2255 muxlis. *** O'zbekiston termasi futbolchilari o'yin davomida jami 366 marta to'p oshirdilar va ularning 77,8 foizi aniq bo'ldi. Ammo uzun uzatmalar soni juda kam - atigi 46ta. Vakillarimiz shuningdek, 16 martagina kross amalga oshirdilar. Bu hali hammasi emas davomi: www.iff.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.