Madridning "Real" klubi yarim himoyachisi Marko Asensio jamoasini o'zgartirish niyati yo'qligini bildirdi. Garchi 21 yoshli futbolchi asosiy tarkibda o'ynamayotgan bo'lsada, raqobatdan qo'rqmasligini aytib o'tdi.
"Jamoa bosh murabbiyi Zinedin Zidan meni qadrlaydi. U men bilan ko'p gaplashadi va menga ishonadi. Bu ishonchni oqlashni va o'zimni imkon qadar ko'rsatishni istayman.
"Real"da raqobat juda katta va asosiy tarkibga kirish oson emas. Ammo eng katta istagim - "Real"da qolish va muvaffaqiyatga erishish", - deydi Asensio.
Eslatib o'tamiz, Asensio joriy mavsum 15 uchrashuvda maydonga tushdi va shundan 6 tasini asosiy tarkibda boshladi. Bu uchrashuvlarda 3 ta gol kiritgan.
— deya xabar beradi uff.uz nashri.