Dortmundning "Borussiya" klubi ijrochi direktori Xans Yoaxim Vattske yarim himoyachi Andre Shyurrlening so'zlariga izoh bildirdi.
Shyurrle JCh saralashi doirasida Germaniya va Ozarbayjon o'rtasida kechgan bahsda gol urgan va golli uzatmani amalga oshirib, 4:1 hisobidagi g'alabaga hissa qo'shgan edi. O'yindan so'ng Shyurrle "Borussiya"da etarlicha o'yin amaliyotiga ega bo'la olmayotgani va murabbiy ishonchiga faqat maydondagi o'yin orqali erishish mumkinligini aytgan edi.
"Germaniya terma jamoasidan ko'ra "Borussiya" yoki "Bavariya"ning asosiy tarkibiga kirish qiyinroq. Klubimizda yuqori raqobat bor va oxirgi vaqtlarda Andrega ishonch bo'lmayapti", - deydi Vattske.
Eslatib o'tamiz, Germaniya chempionati 25 turiga qadar Shyurrle 15 ta o'yinda maydonga tushgan va shundan faqat 8 tasini asosiy tarkibda boshlagan. Bu uchrashuvlarda 2 ta gol urib, 2 ta golli uzatmani amalga oshirgan.
— deya xabar beradi uff.uz nashri.