Evropa chempionati yakuniga etgandan so'ng 9 oy o'tib Islandiyada tug'ilish bo'yicha rekord qayd etildi. Bu haqida islandiyalik shifokor Piter Asger tvitterdagi sahifasida xabar qilgan.
"Evropa chempionatida Angliya ustidan qozonilgan 2:1 hisobidagi g'alabadan so'ng 9 oy o'tib Islandiyada tug'ilish bo'yicha rekord qayd etildi", - deya yozadi doktor.
Eslatib o'tamiz, Islandiya terma jamoasi tarixda ilk bora Evropa chempionatida ishtirok etdi va chorak finalga qadar bora oldi. Islandiyaliklar guruh bosqichida Portugaliya va Vengriya bilan 1:1 hisobida durang o'ynab, Avstriyani 2:1 hisobida mag'lub etdi va nimchorak finalda Angliyadan ham xuddi shunday hisobda ustun keldi.
Chorak finalda esa Frantsiyaga 2:5 hisobida imkoniyat boy berilgan.
— deya xabar beradi uff.uz nashri.