Yurtimizda bolalar sportiga alohida e'tibor qaratilishini yaxshi bilasiz. Poytaxtimizdan tortib viloyatlarimizga barcha joylarda klublar qoshida bolalar akademiyalari tahsil olmoqda.
Ularning aksariyati o'z kelajagini belgilab olgan holda, masad sari intilmoqda.
Toshkentda shunday akademiya borki, uning tarbiyalanuvchilari xalqaro musobaqalarda bir necha bora sovrindor bo'lib qaytishgan. Mana shulardan biri "Spartak" Toshkent futbol klubining yoshlar akademiyasidir.
Ushbu akademiyaning 2004 yildan tug'ilgan futbolchilari yaqinda Qozog'istonning Chimkent shahrida bo'lib o'tgan "Oltin kuz" xalqaro musobaqasida bosh sovrinni qo'lga kiritishdi.
O'zbekistonlik yosh futbolchilari dastlab Chimkentning 7-maktab Internat jamoasini 2:1 hisobida engishdi. Keyin esa, taniqli "Ordabasi" klubi tarbiyalanuvchilari mag'lubiyatga uchratildi, 3:0.
Musobaqaning yarim finalida "Spartak" Toshkent Qirg'izistonning "Bishkek" jamoasini 1:0 hisobida engishdi.
Nihoyat finalda, O'zbekistonning ikki jamoasi o'zaro kurash olib bordi. Ya'ni "Spartak" yoshlari Toshkentning "Paxtakor" klubi tarbiyalanuvchilarini 2:0 hisobida dog'da qoldirishdi.
Shu tariqa, "Spartak" klubining 2004 yilgi tarbiyalanuvchilari musobaqaning g'olibiga aylanishdi va sovrinlarni qabul qilib olishdi.
— deya xabar beradi uff.uz nashri.