JCh–2018 turniriga saralash bosqichi “A” guruhi 7-turidan o'rin olgan O'zbekiston – Qatar (1:0) uchrashuvidan keyin o'tkazilgan matbuot anjumanida mehmonlar ustozi Xorxe Fossati o'yin borasida o'z fikrlari bilan o'rtoqlashdi.
“O'yin biz kutgandek qiyin kechdi. Birinchi bo'limda to'pni yaxshi nazorat qildik, ammo bizning ustunlik hisobda aks etmadi. Ikkinchi bo'lim ham deyarli shu stsenariy asosida kechdi. Futbolchilar asabiy o'ynadi, hakam esa o'yinning asabiy tarzda o'tmaslishisha yordam berdi.
Hakam darvozamiz tomon jarima zarbasini belgiladi va Odil Ahmedov ajoyib gol urdi. Ammo referi jarima zarbasini nima uchun belgilananini so'raganimda, u futbolchining qorniga zarba berilganini aytdi. Hakam qanday qilib bu vaziyatni ko'rganini tushunmadim, axir u vaziyatni orqa tomonidan ko'rdi-ku? Men esa vaziyatni ko'rdim. Fol yo'q edi.
Biz ham gol urdik, ammo offsayd bor edi. Bu vaziyatga boshqa izoh berish shart emas. O'zbekiston terma jamoasini g'alaba bilan tabriklayman, chin dildan tabriklayman. O'zbekiston hakamlar xatosi uchun mas'ul emas. Futbolchilarimning o'yinidan faxrlanaman, ular bor kuchini berdi. Biz saralash bahslaridan boshimizni baland ko'targan holda chiqib ketdik. Qatar Toshkentda juda yomon o'ynagan, bu esa O'zbekiston terma jamoasi o'yinining yuqori sifatidan darak beradi”, – dedi Xorxe Fossati.
— deya xabar beradi uff.uz nashri.