Argentina futbol assotsiatsiyasi Lionel Messi 4 o'yinga chetlatilgani borasidagi qarorga nisbatan shikoyat xati yo'llamoqchi. Bu haqida tashkilot kotibi Xorxe Myadoski xabar bergan.
"Biz bu qarordan juda hayron qoldik. Messining chetlatilishi Boliviyaga qarshi kechadigan o'yinga bir necha soat qolganida amalga oshirilganidan norozimiz va shikoyat yo'llashga qaror qilganmiz.
Jazo chorasini o'zgartirish uchun sabab bo'ladigan etarlicha jihatlar bor", - deydi Myadoski.
Eslatib o'tamiz, Lionel Messi Chiliga qarshi kechgan o'yin vaqtida (1:0) yon qanot hakamini haqorat qilgani uchun Argentina terma jamoasining 4 o'yiniga chetlatildi. Shuningdek u 10 ming shveytsariya franki miqdorida jarima to'lashi lozim.
— deya xabar beradi uff.uz nashri.