JCh-2018 saralash bahslaridan o'rin olgan Boliviya hamda Argentina terma jamoalari o'rtasidagi uchrashuv o'z yakuniga etdi. Unda 2:0 hisobi qayd etilib, Boliviya terma jamoasining g'alabasi bilan tugadi. Uchrashuvning 31-daqiqasida Xuan Arse mezbonlarni oldinga olib chiqqan bo'lsa, ikkinchi bo'lim boshida Marselo Moreno uni 2:0 ko'rinishiga keltirib qo'ydi. Shu tariqa Messisiz harakat qilgan Argentina terma jamoasi mag'lubiyatni qabul qilib oldi va ikkinchi o'ringa chiqib olish imkoniyatini qo'ldan boy berdi. Eslatib o'tamiz, Messi Chiliga qarshi kechgan uchrashuvda yordamchi hakamni haqorat qilgani uchun FIFA tomonidan to'rtta o'yinga diskvalifikatsiya qilingan edi. JCh-2018 saralashi Boliviya – Argentina 2:0  Gollar: 1:0 – 31 Arse, 2:0 – 52 Moreno. Boliviya – Lampe, Bexarano, Raldes, Senteno, Vayyar (Kampos, 85), Flores, Kastro, Eskobar, Chumasero, Moreno (Miranda, 90), Arse (Xustiniano, 73). Argentina – Romero, Musakko, Roxo, Funes Mori (Karutstso, 36), Ronkalya, Di Mariya, Banega, Pisarro, Peres (Akunya, 70), Korrea (Aguero, 56), Pratto. Ogohlantirishlar: Anduxar (39), Banega (41), Vayyar (67).
— deya xabar beradi uff.uz nashri.