Bu yil ham «Paxtakor»ning uncha «mazasi» yo'q. Klub yangi mavsumda O'zbekiston chempionatida 3ta o'yin o'tkazib, hozircha 4 ochko ishladi, xolos. Ayniqsa, «Dinamo»ga qarshi o'z maydonida o'tkazgan o'yinni boy bergani (0:1) ancha hayron qoldirdi. Chunki «sherlar» tarkibida O'zbekiston milliy terma jamoasi a'zolari to'p surishsa, samar-qandliklar haqida bunday deb bo'lmaydi. Ammo o'z safiga yosh futbolchilarni jamlagan «Dinamo» oliy liga 3-turiga kelib, 100 foizlik natija bilan birinchi o'rinni egallab turibdi. «Paxtakor» esa... Hozir «Paxtakor»ga nima bo'layotgani haqidagi savollar bilan boshingizni qotirmoqchi emasmiz. Zero bu vazifani bajaradigan mas'ul shaxslar bor. Biz shunchaki, ochiq-oydin faktlarga murojaat qilishni istaymiz, xolos. Yaxshi bilasiz, «sherlar»ning muammolari aslida o'tgan mavsum boshlangan edi. Klub bir yarim yil muqaddam chempionlikni qo'lga kiritgach, oliy liga-2016ni yaxshi boshlay olmay, ketma-ket omadsizliklarga duch keldi: 10-turdan so'ng 4ta g'alaba, 3ta durang va 3ta mag'lubiyat qayd etdi. Ayniqsa, «Neft-chi»ga qarshi safarda kechgan o'yinda 1:2 hisobida imkoniyatning boy berilishi rahbariyatning toqatini toq qilgan ko'rinadi, bosh murabbiy No''mon Hasanov iste'foga chiqarildi. Bu qarorni to'g'ri tushunish mumkin. Chunki har qanday klubda natija yomonlashgan vaqtda murabbiyga chiqish eshigi ko'rsatilishi odatiy hol. «Paxtakor»da ham xuddi shunday bo'ldi. Biroq voqealarning ke-yingi rivoji boshqacha tus oldi. Ne ajabki, iste'fodan so'ng «Paxtakor» o'z nomiga mos tarzda tajribali, nomi chiqqan mutaxassis emas, klub murabbiylari tizimida faoliyat yuritayotgan Grigoriy Kolosovskiyni jamoa ustozligiga tayinlashga qaror qildi. Yaxshi tanimasangiz, tanishtiraylik - Kolosovskiy o'z vaqtida Toshkent viloyati klublari safida quyi ligalarda to'p surgan. Keyinchalik «Yangier» va «Traktor» sharafini himoya qilgan. Futbolchilik davri yakuniga etgach, «Paxtakor» klubi murabbiylar tizimida mehnat qila boshladi. Ammo uning ishidan biror yorqin taassurot qolmagani bois, faoliyatining bu bosqichi haqida ortiqcha fikr bildira olmaymiz. Biz Kolosovskiyni keyinroq - «Paxtakor» bosh murabbiyi sifatida yaxshiroq tanidik. Ammo afsuski, shunda ham ketma-ket qo'lga kiritilgan g'alabalar orqali emas... Albatta, bosh murabbiy vazifasini bajarish Grigoriy Anatolevichga topshirilarkan, klub tutgan yo'lni tushunsa bo'lardi. Chunki jamoa ustozi iste'foga chiqarilganda uning o'rnini yordamchisi egallashi jahon futbolida tez-tez kuzatiladi. Qolaversa, u o'z ishini qoyilmaqom tarzda uddalagach, doimiy vakolatga ega chiqqanini ham ko'rganmiz. Masalan, Madridning «Real» klubi bilan afsonaviy natijalarga erishgan Visente Del Boske aynan shunday uslubda madridliklar boshqaruviga tayinlangan edi. Shuningdek, «Chelsi» bilan Chempionlar Ligasida g'olib chiqqan Di Matteoni eslash mumkin. Ammo Kolosovskiy... Bu hali hammasi emas, davomi: www.iff.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.