1999 yil 26 may kuni Chempionlar ligasida tarixida aql bovar qilmas darajadagi final bo'lib o'tdi. “Kamp nou” stadionida “Bavariya” va “Manchester Yunayted” jamoalari bahs olib borishdi. Asosiy vaqt tugagandan keyin “Manchester Yunayted” 0:1 hisobida mag'lub bo'layotgan edi. Har o'tgan soniyalar angliyalik muxlislarning umidlarini so'ndirib borardi va aksincha nemislar esa o'z g'alabalariga ishonib borishardi. Ammo 91 daqiqada Teddi Sheringem hisobni tenglashtiradi, bir daqiqa o'tar o'tmas Ole Gunar Sulsher «Qizil iblislar» uchun Chempionlar ligasidagi g'alabada qahramonga aylanadi. Siz bilan birga Ser Aleks Fergyusson “Manchester”ini eslab o'tamiz.   Peter Shmeyxel (52) Buyuk daniyalik Peter yoshligidan fortepianoga qiziqardi va musiqachi bo'lishi ham mumkin edi. Biroq u darvozani qo'riqlashni tanladi. “Manchester” safiga 28 yoshida kelib qo'shilgan. Debyut mavsumidayoq 2 ta kubok egasi bo'lib, bir yildan so'ng Evro-1992da chempionlikka erishadi. U nafaqat darvozasi daxlsizligini saqlab qolardi, balki raqib jamoasini hamma vaqt qo'rquvda ushlab turardi. 1995 yil Shmayks ”Rotor” jamoasiga burchakdan etkazib berilgan to'pdan foydalanib gol kiritadi. Bu darvozabon faoliyatidagi urgan yagona gol emas. 1999 yil Chempionlar ligasi finalida uning xatosidan so'ng Mario Basler hisobni ochadi. Shundan so'ng Peter hech qanday xatoga yo'l qo'ymaydi.   Yap Stam (44) Haqiqiy devor. 1998 yil «PSV» jamoasidan “Manchester Yunayted” jamoasiga o'tadi. Transfer narxi 16,7 mlnga to'g'ri kelgan, o'sha paytda himoyachilar orasida rekord summa edi. “Manchester”dagi faoliyatidan so'ng “Latsio” va “Milan” klublari sharafini himoya qiladi. 2 bor Gollandiya terma jamoasi safida Evropa chempionatida bronza sohibi egasi bo'ladi. Faoliyatini tugatganidan so'ng, «ManUtd» elchisi, “Zvolle” va “Ayaks”da murabbiy yordamchisi bo'lib ish olib borgan. Hozir esa “Reding” jamoasi bosh murabbiyi.   Gari Nevill (41) Fergusson fikriga ko'ra Gari o'z pozitsiyasida eng kuchlilardan biri deb hisoblaydi. Nevil «Qizil iblis»larning haqiqiy lideri va sardori bo'lib kelgan. “Manchester” safiga Gari «Beri» jamoasidan 16 yoshligida kelib qo'shilgan. 1992 yilda “Torpedo” qarshi bo'lgan uchrashuvcha ilk bor “Manchester” futbolchisi sifatida maydonga tushgan. «Iblislar» safida jami 400 ta o'yin o'tkazgan. Futbolchilik faoliyatidayoq murabbiylik lintsenziyasini olgan. “Manchester Yunayted” ikki tarkibini boshqargan, Roy Xojsonga terma jamoada yordamchi vazifasini o'tagan va “Valentsiya” jamoasi bosh murabbiyi bo'lishga ham ulgurgan. Hozir televideniyada sharhlovchi va “Solford Siti” xo'jayinidir. Denis Irvin (50) Irlandiya terma jamoasi bosh murabbiyi Jek Charlton: “Irvin “Manchester” va Irlandiya t.j.dagi eng kuchli himoyachidir. U hech qachon xato qilmagan va to'pni yo'qotmagan. Har safar jamoa mashg'ulotiga birinchi bo'lib kelgan. Bu darajadagi professional futbolchini hech qaerdan topib bo'lmaydi. Qanchalik zerikarli va iblis bola bu?!” deya Irvin sharafiga qadaq ko'targan. Irvin «Qizil iblislar» safida 12 yil to'p surib, faoliyatini tugatgandan so'ng MUTV kanalida ish boshlagan. Rayan Giggs (42) DAVOMI:
— deya xabar beradi uff.uz nashri.