Xabar berganimizdek, O'zbekiston milliy terma jamoasi sobiq hujumchisi hamda sardori Maksim Shatskix UEFA diplomi - «A» toifasidagi murabbiylik litsenziyasini qo'lga kiritdi. 37 yoshni qarshilagan hamyurtimiz ayni paytda futbolchilik faoliyatini Ukrainaning «Rux» havaskorlar jamoasida davom ettirmoqda.
Undan avval esa «Goverla» sharafini himoya qilgan edi. Ujgorod klubidagi moliyaviy qiyinchilik sabab Shatskix jamoani tark etishga majbur bo'lgandi. Bu orada esa u vaqtdan unumli foydalanish maqsadida murabbiylik kursida tahsil olib, tegishli litsenziyaga ega bo'ldi. Ma'lumot o'rnida aytib o'tamiz, Maksim Shatskix O'zbekiston milliy terma jamoasi safida 60ta o'yinda maydonga tushib, raqiblar darvozasini 34 marotaba ishg'ol qilgan.
Terma jamoadagi faoliyatini esa o'tgan yili yakunlagan edi. Ummonga qarshi Toshkentda o'tkazilgan o'yin Maks uchun milliy terma jamoa libosidagi so'nggi uchrashuv bo'lib tarixga kirgandi. Biz Shatskix bilan bog'lanib, undan qisqacha intervyu oldik.
- Maksim, avvalo, sizni murabbiylikning «A» toifali guvohnomasini qo'lga kiritganingiz bilan tabriklaymiz. O'quv kursidan olgan taassurotlaringiz qanday bo'ldi?
- Tabrik uchun rahmat. O'quv kurslari yuqori saviyada tashkil etildi. Bilasizmi, murabbiylik umuman boshqa olam ekan. Men o'ylagan va tasavvur qilgandan ham murakkab soha ekanligini tushunib etyapman. O'quv kursi jarayonida nazariy mashg'ulotlardan tashqari amaliyot ham o'tadik. Bir so'z bilan aytganda, hammasi ajoyib bo'ldi. Terma jamoadan taklif kelishini kutyapman (kuladi).
Davomi InterFUTBOL gazetasi blogida.
— deya xabar beradi uff.uz nashri.