Londonning "Arsenal" klubi hujumchisi Aleksis Sanches faoliyatini boshqa poytaxt jamoasida davom ettirishga yaqin turibdi. The Guardian nashrining xabariga ko'ra, 28 yoshli futbolchi bilan "Chelsi" jiddiy tarzda qiziqmoqda va bu transfer amalga oshishi mumkin.
Antonio Konte rahbariyat bilan o'zining amaldagi shartnomasini cho'zish borasida muzokaralar olib bormoqda va parallel ravishda sotib olishi mumkin bo'lgan futbolchilarning ro'yxatini tayyorlayapti. Ro'yxatda Sanchesdan tashqari, "Bavariya" himoyachisi David Alaba va "Yuventus"dan Aleks Sandrolar bor.
Lekin, "Chelsi" bu borada "PSJ", "Inter" va "Yuventus"lar bilan raqobatga kirishi kerak. Chunki, qolganlar ham chililik hujumchini sotib olishni istashmoqda.
Eslatib o'tamiz, Konte "Barselona"dan Neymarni sotib olish taklifini rad etgan. Neymar sotib olish g'oyasi Roman Abramovichdan chiqqandi, ammo Konte braziliyalik futbolchini o'z tarkibida ko'rishni istamagan.
— deya xabar beradi uff.uz nashri.