130 ta o'yin, 13 yil va 1 ta Jahon chempionati kubogi. 22 mart kuni Lukas Podolski terma jamoadagi o'zining oxirgi o'yinini o'tkazdi. Podolski hammavaqt muxlislar yoqimtoyi bo'lgan, shu bilan birga uni jahon yulduzi sifatida ko'rishmagan. “2004 yil 6 iyun kuni nemis futboli uchun o'zgacha kun. Kayzerslauternda Vengriya bilan qarshi o'yin edi. Meni almashtirishganida, mening o'rnimga yashil Lukas Podolski maydonga chiqdi. Bu uning ilk o'yini va buyuk faoliyatining boshlanishi edi” – deb eslab o'tgan Evro-1996 oltin medali sohibi Fredi Bobich. O'shanda yosh polshalik bolakay Nemis futboli ramzi bo'lishini hech kim o'ylamagandi ham. 2004 yil Germaniya futboli uchun omadli yil bo'lib chiqdi. Lukas bilan birga Bastian Shvaynshtayger ham terma jamoada debyut o'yinga muvaffaq bo'ldi. 12 yil davomida bu tandem muxlislar yoqimtoyi bo'lib kelishdi. Hatto xayrlashuv uchrashuvini ular birga o'tkazib tugatmoqchi edilar. Biroq Podolskining jarohati tufayli, uning o'yini avgust oyidan mart oyiga ko'chirildi. Lukas Podolskini avvaldan muxlislar yoqtirishardi. Chunki u hech qachon o'zining mehrini muxlislardan ayamagan. Har doim muxlislar bilan muloqotda bo'lgan. Lukas o'yin paytida ham muxlislarni chetdan qoldirmagan. Oxirgi Evropa chempionatida, Slovakiya bilan bo'lgan o'yinning qolgan 19 daqiqasida chiqqan bo'lsada, muxlislar tinmay Lukasning ismini aytib kuylashgan. Uning eng yaqin klubi bu “Kyoln”. Chunki Polsha davlatida tug'ilgan bo'lishiga qaramay, u Kyoln shahrini o'zini uyi deb ataydi. “Xayrlashuv o'yinidan so'ng men albatta Kyolnga qaytaman. Bu shahar men uchun juda ham qadrlidir. Kyoln mening uyim. Shahar bayrog'I oxirgi paytlarda men bilan birga tez-tez sayohat qilib turadi. Yozda Yaponiyaga uchsam albatta chemodanim ichida Kyoln bayrog'i bo'ladi.” – dedi Lukas Podolski o'yindan oldin. Ammo oyning 15 yorug' 15 qorong'u deganlaridek, Podolski faoliyati davomida og'ir damlar ham bo'lgan. 2006 yil “Bavariya”ni tark etgandan so'ng, muxlislar uni yomon ko'ra boshlashadi va unga nisbatan bannerlar ko'tarisha boshlaydi. Bularni hammasi 3 yildan so'ng tugaydi, Podolski  Davomi quyidagi linkda
— deya xabar beradi uff.uz nashri.