Londonning "Chelsi" klubi rahbariyati belgiyalik yarim himoyachi Eden Azarni tarkibda saqlab qolish uchun maoshini oshirishni ko'zlamoqda.
Angliya va Ispaniyaning bir qator nashrlari tomonidan Madridning "Real" klubi Eden Azarni o'z safiga qo'shib olishni istashi xabar qilingan. Madridliklar Azar uchun 100 million funt sarflashga tayyorligini bildirgan.
"Chelsi" shu sababga ko'ra Azarga haftasiga 300 ming funt to'lashga tayyor bo'lib turibdi. Yarim himoyachi ayni vaqtda haftasiga 200 ming funt maosh olmoqda.
Eden Azar 2015 yilning fevralida "Chelsi" bilan shartnomasini 2021 yilga qadar uzaytirgan edi.
— deya xabar beradi uff.uz nashri.