"Manchester Yunayted" bosh murabbiyi Joze Mourino terma jamoalar ishtirokidagi o'rtoqlik o'yinlari haqida tanqidiy fikr bildirdi. Eslatib o'tamiz, "MYu" futbolchilari Kris Smolling va Fil Jons Angliya terma jamoasi yig'inida jarohat oldi va JCh saralashi doirasida Litvaga qarshi kechgan o'yinda (2:0) maydonga tusha olmadi.

"Men terma jamoalar o'rtasidagi o'rtoqlik o'yinlariga mutlaqo qarshiman. Bunday o'yinlar faqat ma'lum bir musobaqaga tayyorgarlikning so'nggi bosqichiga yaqin mantiqqa to'g'ri keladi, deb o'ylayman.

Evropa chempionati yoki jahon chempionatiga bir necha hafta qolganda, ha, kerak. Ammo mavsum o'rtasida, boz ustiga saralash bahslari orasida o'tkazishdan ma'no yo'q", - deydi Mourino.
— deya xabar beradi uff.uz nashri.