Bugun O'zbekiston milliy chempionati - Oliy liga-2017 bahslarining 4-tur uchrashuvlariga start beriladi. Payshanba kuniga ikkita o'yin belgilangan.
Ularning biri Qarshi shahrida mahalliy "Nasaf" hamda "So'g'diyona" klublari o'rtasida kechsa, ikkinchisi Toshkentda "Obod" hamda "Bunyodkor" klublari o'rtasida bo'lib o'tadi.
Qolgan o'yinlar ertaga davom ettiriladi.
Jumladan unda, musobaqa karvoshboshisi "Dinamo" jamoasi o'z maydonida "Navbahor"ni qabul qiladi. "Paxtakor" bo'lsa, Muborakda "Mash'al" mehmoni bo'ladi.
Farg'onalik ishqibozlar "Neftchi" - "Qo'qon-1912" o'yiniga guvoh bo'lishsa, Toshkentda "Lokomotiv" jamoasi "Olmaliq"ni kutib oladi.
Bundan tashqari, "Metallurg" - "Sho'rtan" va "Qizilqum" - "Buxoro" bahslari ko'pchilik uchun qiziqarli bo'lishi turgan gap.
Ushbu tur anonsi bilan tanishing: 4-tur 30.03.2017 16.00   Nasaf - So'g'diyona 17.00   Obod - Bunyodkor 31.03.2017 16.00   Dinamo - Navbahor 16.30   Mash'al - Paxtakor 16.30   Metallurg - Sho'rtan 16.30   Neftchi - Qo'qon-1912 18.00   Lokomotiv - Olmaliq 18.00   Qizilqum - Buxoro
— deya xabar beradi uff.uz nashri.