“Real” klubining sardori Serxio Ramos “Sevilya”ga qarshi o'yindan keyin o'z fikrlari bilan o'rtoqlashdi. Eslatib o'tamiz, Ramos jamoasining birinchi goliga mualliflik qilganidan keyin, jarohat olib maydonni tark etgandi. “Biz o'yinga tayyorlab qo'ygan rejamizni amalga oshira olmadik. Bu stadionda to'p surish hamisha qiyin bo'lgan. “Sevilya” g'alabaga loyiq o'yin namoyish qilganini ham ta'kidlab o'tish zarur. “Real” muhim ochkolarni yo'qotdi. Ammo chempionat yakuniga etishiga hali ancha bor. Tezroq bu mag'lubiyatni unutib, oldinga intilishimiz kerak”, - deydi Ramos.
— deya xabar beradi uff.uz nashri.