"Barselona" yozgi transferlar mavsumida Frantsiyaning "Monako" klubidan Toma Lemarni sotib olishni jiddiy rejalashtirmoqda. Ayni paytda "Barselona" prezidenti Xosep Mariya Bartomeu "Monako" tarkibida porlay boshlagan iste'dodli yarim himoyachi Toma Lemarni olish harakatiga tushdi. "Chelsi", "Liverpul", "Atletiko" va "Bavariya" nishonida turgan yarim himoyachi uchun "Barselona" rahbariyati "Monako"ga 30 million evro berishga qaror qildi. O'z navbatida "Monako" ikki yil muqaddam bu futbolchi uchun "Kan"ga to'rt million evro bergandi. 21 yoshli futbolchi joriy mavsumda 42 ta uchrashuvda 11 ta gol urdi va 10 ta foydali uzatmani amalga oshirdi.
— deya xabar beradi uff.uz nashri.