"Sevilya" yarim himoyachisi Evgeniy Konoplyanka "Real"ga qarshi kechgan uchrashuvda (3:2) ikkita golli uzatmani amalga oshirgan edi. Ammo ukrainalik futbolchi o'zini uchrashuv qahramoni deb atashni istamadi.
- Siz "Real"ga qarshi kechgan uchrashuvning asosiy qahramoni bo'ldingiz. Nimalarni his qilmoqdasiz?
- Men faqat g'alabadan xursand bo'lmoqdaman. Men qanday o'ynaganim esa ahamiyatsiz. Eng muhimi, biz "Real"ni mag'lub etishning uddasidan chiqa oldik.
- Siz "Real"ga qarshi kechgan bahsda ikkita golli uzatmani amalga oshirdingiz. Bunaqasi 15 oydan buyon hech kimning qo'lidan kelmayotgan edi.
- Super! Juda xursandman. Kelasi safar ularga ikkita gol urishga harakat qilib ko'raman.
— deya xabar beradi uff.uz nashri.