"Sanderlend" hujumchisi Jermeyn Defo yaqinda Angliya terma jamoasiga chaqirilgan edi. O'ttiz to'rt yoshli hujumchi yozda jamoasiz qolishi mumkin.
Defoning "Sanderlend" bilan ikki yillik shartnomasi bor, ammo unga kiritilgan bandga ko'ra klub quyi ligaga tushib ketsa, hujumchi jamoadan ketish huquqiga ega bo'ladi. Agar Defo qolishni istasa, maoshi kamaytirilishiga rozi bo'lishi lozim.
Defo ayni vaqtda haftasiga 80 ming funt maosh olmoqda. Xabar qilinishicha, hujumchi Angliya terma jamoasi tarkibida Rossiyadagi jahon chempionatiga borishga jiddiy umid qilmoqda.
Yanvarda Defoga "Vest Xem"dan taklif tushgan edi, ammo "Sanderlend" uni 6 million funt evaziga sotmadi.
— deya xabar beradi uff.uz nashri.