«Bavariya» futbolchisi Joshua Kimmix «Manchester Yunayted»ning yozda sotib olishi mumkin bo'lgan futbolchilari ro'yxatidan joy oldi. Bu haqda Kicker nashri xabar beradi. Eslatib o'tamiz, avvalroq Kimmix xizmatlariga «Manchester Siti» jamoasi qiziqish bildirayotgan edi. «Shaharliklar» murabbiyi Gvardiola Kimmix bilan «Bavariya»dagi faoliyati bilan yaxshi tanish bo'lib, «qizil iblislar» bilan futbolchini sotib olish uchun kurash olib boradi. 22 yoshli futbolchi «Bavariya»da o'yin amaliyoti kamligi tufayli murabbiy Karlo Anchelottidan noroziligini bildirgan. Transfermarkt sayti Joshua Kimmix transfer qiymatini 25 million evro deya belgilagan.
— deya xabar beradi uff.uz nashri.