"Nasaf"-"So'g'diyona" (4:0) uchrashuvidan keyin "So'g'diyona" jamoasi bosh murabbiyi  Davron Fayziev ham o'yin haqidagi fikrlarini bildirdi. - "Nasaf" kabi jamoalar bizdek raqiblarning xatosini hech qachon kechirmaydi. Bugun o'z jamoamni taniy olmadim. O'yinda faqat bir jamoa ko'rindi. Bu ham bo'lsa "Nasaf" jamoasi. Bugun xatolar ko'payib ketdi. Xatolar ustida ko'p ishlashimiz kerak. Men uchrashuvdan avval shogirdlarimga qo'rqmasdan o'ynashni ta'kidlagan edim. "Nasaf" bugun haqqoniy g'alabaga erishdi. Ularni tabriklayman. Avvalgi uchrashuvlarda Mamadaliev va Qobilovning harakatlari ma'qul kelgani bois bugun ularni tarkibga kiritdim. Maxmudov va Abduraxmonovlar ham tajribali o'yinchilar hisoblanadi. Ularni ikkinchi bo'limda maydonga tushirib, o'yinni kuchaytirishni ko'zlagan edim. Lekin o'ylagan rejalarimiz amalga oshmadi.
— deya xabar beradi uff.uz nashri.