«Liverpul» klubi va Braziliya terma jamoasi yarim himoyachisi Filippe Koutino joriy mavsumni yuqori saviyada o'tkazmoqda. Yaqinda Four FourTwo nash­ri jurnalistlari ushbu futbolchi bilan suhbat uyushtirishdi. Intervyu chog'ida u futboldagi kumiri va Neymarning o'yinlari haqida gapirib o'tdi. - Himoyachilardan osonlik bilan o'tib ketasiz. Buni qanday uddalaysiz? - Hamisha to'p bilan tez muomala qilishga harakat qilaman. Tezkor pas berish va aldab o'tishda ham shu usulni amalga oshiraman. Ko'pincha tanam bilan to'pni yashirib olaman. Bu holat esa menga yoqadi va o'yin paytida qo'llashga urinaman. Haqiqatan ham to'pni olib yurishni yoqtiraman va bu jamoadagi vazifalarimdan biridir. Shuningdek, jamoadoshlarim uchun raqib himoyasida bo'shliq yuzaga keltiraman. - To'p bilan o'zgacha tarzda muomala qilasiz. Buni qaerda o'zlashtirgansiz? - Braziliya futbolining o'ziga xos usuli bor. Agar braziliyalik futbolchilarga e'tibor bersangiz, ular hamisha to'p bilan birga bo'lishni istashadi. Men esa bu holat o'yinimning bir qismi bo'lishini xohlaganman. Umuman olganda, Braziliyada bu odatiy hol. Harakatlarni bolaligimda, futbolni o'rganganimda o'zlashtirganman. - Braziliyada ko'plab kreativ futbolchilar bor. Bolaligingizda ulardan qay birining o'yinini maroq bilan tomosha qilardingiz? - Ko'plari hurmatga sazovorlar. Ammo men ko'rganlar orasida eng zo'ri - Ronaldino. U bilan jon deb o'ynagan bo'lardim. U to'p bilan shunday harakatlarni bajarardiki, hamisha maydonda erkin harakat qilgan. U o'ziga xos o'yinchi bo'lgan. Odatda himoyachilar bunday futbolchilarni yomon ko'rishadi. - Siz to'pni nazorat qilish uchun ko'pincha «ship»lardan foydalanasiz. Nima uchun? - Bolaligimdan shunday. Barcha futbolchilar to'pni nazorat qilishi lozim. Ammo hujumkor o'yinchilar uchun bu juda muhim. Agar biz to'pni yo'qotsak, qarshi hujum boshlanishi mumkin. Nazoratni yaxshi o'zlashtirish uchun yaqin masofaga to'pni uzatish bilan mashq qilish talab etiladi. Bu tezroq fikrlashingizga ham yordam beradi. - Tezkor fikrlash kreativ futbolchilar uchun zarur. Buni siz qanday uddalagansiz? - Biz jismoniy tayyorgarliklar bo'yicha murabbiyimiz bilan intensiv tarzda shug'ullanamiz. Epchillik borasida ko'p ishlaymiz. O'yin­dan bir kun oldin esa qizish uchun qisqa va o'tkir paslarni mashq qilamiz. Bu elementlardagi kombinatsiyalar tezkor fikrlashda yordam beradi. Davomi: www.iff.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.