“Napoli” klubi yarim himoyachisi Dris Mertens “Manchester Yunayted” jamoasi rahbariyatining qiziqishlari doirasiga kirgan. Bu haqida La Repubblica nashri xabar tarqatdi. Manbada aytilishicha, inglizlar 29 yoshli belgiyalik futbolchiga yiliga 4,7 million evro to'lashga tayyorlar. “Napoli” egasi Aurelio De Laurentis esa Mentensga faqat 3 million taklif qilmoqda. O'yinchining “Napoli”dan ketishining ehtimoli 80-90 foizni tashkil qiladi. Avvalroq, yarim himoyachi APL klubiga o'tishni xohlayotgani ma'lum bo'lgandi. Joriy mavsumda Mertens Italiya chempionatining 26ta o'yinida 20ta gol hamda 7ta golli uzatmaga mualliflik qilgan.
— deya xabar beradi uff.uz nashri.