Mamlakat yoshlar birinchiligining 4-turida Samarqandda “Dinamo” mehmoni bo'lgan yoshlarimiz raqibga 1:3 hisobida imkoniyatni boy berishdi. Uchrashuvni maydon egalari faol boshlashdi. Samarqandliklar ilk daqiqalarda standart vaziyatlar orqali xavfli vaziyatlarni yaratishdi. Ana shunday urinishlardan biri 5-daqiqada o'z samarasini berdi. Islom Sharipov chamasi 28 metrlardan belgilangan jarima zarbasini aniq amalga oshirib hisobni ochdi. Goldan keyin ham “Dinamo” to'pni nazorat qilishda ustunlikka erishdi. Yoshlarimiz esa 14-daqiqada raqib darvozasiga dastlabki xavfli zarbani yo'llashdi. Timur Tolipov 21 metrlardan belgilangan jarima zarbasini golga aylantirishga urinib ko'rdi. Lekin, Tolipovning tepgan to'pini Toshturdiev qiyinchilik bilan bo'lsada maydon tashqarisiga chiqarib yuborishga ulgurdi. Oradan biroz vaqt o'tib, endi Nodir Ashurmatov Omad Toyloqovga jarimadan gol urish imkonini bermadi. 32-daqiqaga kelib, mezbonlarda ikkinchi golni urish uchun yaxshigina imkoniyat tug'ilgandi. Iskandar Xolmirzaev ishlagan penaltini Timur Ergashev amalga oshira olmadi. Ushbu vaziyatda Ashurmatov samarqandlik futbolchining tepgan to'pini qaytarishga erishdi. Uchrashuvning ikkinchi bo'limini yoshlarimiz ancha faol boshlashdi. Dastlab Islom Abduqodirov raqib posboni bilan deyarli yakkama-yakka vaziyatga chiqib, gol urishni uddasidan chiqmadi. 57-daqiqada esa Abduaziz Sultonovning to'p oshirishidan keyin “Dinamo” posboni bilan yuzma-yuz qolgan Bilol Toshmirzaev vaziyatdan samarali foydalanib, hisobni tenglashtirdi. Goldan keyin ham futbolchilarimiz yaxshi harakat qilishgan bo'lsada samarqandliklar hisobda oldinga chiqib olishni uddasidan chiqdi. 68-daqiqada Islom Sharipovning jarimadan oshirgan to'pini Hokimxon Alamxonov boshi bilan darvozaga joylab qo'ydi. Futbolchilarimizda ikkinchi bor hisobni tenglashtirish uchun imkoniyatlar yuzaga kelgan bo'lsada, o'yin oxirlarida “Dinamo” jamoasi uchinchi bor muvaffaqiyat qozondi. Himoyada yuzaga kelgan xatodan keyin Timur Ablamitov darvozani nishonga oldi. “Dinamo” – “Navbahor” – 3:1 (1:0). 30 mart. Samarqand. “Olimpiya zaxiralari” o'yingohi. 95 tomoshabin.
“Dinamo”: 46. Rustam Toshturdiev, 4. Hokimxon Alamxonov, 8. Timur Ergashev (6. Daler Olmasdjanov, 68), 12. Iskandar Xolmirzaev, 15. Laziz Nuriddinov (55. Asadbek Tolipov 80), 17. Umid Radjabov, 22. Timur Fayzullaev (34. Laziz Farruxov, 85), 28. Omad Toyloqov, 42. Fazliddin Yo'ldoshev (16. Rafael Devlilamov, 76), 70. Ramish Bobomirzaev (18. Anvar Murodov, 63), 95. Islom Sharipov (33. Timur Ablamitov, 78).
“Navbahor”: 12. Nodir Ashurmatov, 2. Bilol Toshmirzaev, 3. Iskandar Siddiqjanov (16. Abdulaziz Nishanbaev, 85), 4. Javohir Olimjonov, 5. Timur Tolipov, 8. Ravshan Xursanov (15. Muzaffar Abdullaev, 80, 17. Ilhom Boydedaev, 18. G'olibbek Karimov, 22. Abduaziz Sultonov, 48. Akbarali Xoldorov, 70. Islom Abduqodirov (13. Shahzod Hamidov, 83).
Gollar: I.Sharipov (5), H.Alamxonov (68), T.Ablamitov (83) – B.Toshmirzaev (57).
Amalga oshirilmagan penalti: T.Ergashev (32, darvozabon).
Ogohlantirishlar: R.Bobomirzaev (19), U.Radjabov (25), L.Nuriddinov (43, hammasi “Dinamo”).
— deya xabar beradi uff.uz nashri.