"Barselona" hujumchisi Neymar "Vilyarreal"ga qarshi kechgan uchrashuv hakami Klos Gomesni tanqid qilib o'tdi. Braziliyalik hujumchi hakam kataloniyalik futbolchilarga ko'p sariq kartochka ko'rsatganidan shikoyat qilgan.
"Bizda biror marta ham e'tiroz bildirish imkoni bo'lmadi. Har safar biz e'tiroz bildirmoqchi bo'lganimizda sariq kartochka olaverdik.
O'yinning o'ziga keladigan bo'lsak, biz juda yaxshi o'ynadik va ko'plab golli vaziyatlarni yuzaga keltirdik", - deydi Neymar.
Eslatib o'tamiz, ushbu uchrashuvda "Barselona" 3:0 hisobida g'olib chiqqan.
— deya xabar beradi uff.uz nashri.