"Bavariya" bosh murabbiyi Xosep Gvardiola jamoa yarim himoyachisi Joshua Kimmix haqida iliq fikrlar bildirdi. Yarim himoyachi garchi etarlicha o'yin amaliyotiga ega bo'lmasada, ortiqcha shikoyat bildirmayotgani murabbiyni xursand qilgan.
"Kimmix ko'proq o'yin amaliyotiga ega bo'lishga loyiq, ammo u biror marta ham shikoyat qilmagan. Har bir mashg'ulotda Joshua astoydil ter to'kib ishlaydi va dahshatli ko'rsatkichlar namoyish qiladi.
Zagrebning "Dinamo"si va "Shtutgart"ga qarshi kechgan bahslarda ham ajoyib o'ynadi. Kimmixni o'z o'g'limdek ko'raman va u "Bavariya"dan ketmaydi", - deydi Gvardiola.
Eslatib o'tamiz, biroz vaqt muqaddam Gvardiola Germaniya terma jamoasi bosh murabbiyi Yoaxim Levga Kimmixga e'tibor qaratishni maslahat bergan edi. Joriy mavsum yarim himoyachi Germaniya chempionatida 7 uchrashuv o'tkazgan ammo ulardan faqat ikkitasida asosiy tarkibda maydonga tushgan edi.
— deya xabar beradi uff.uz nashri.