So'nggi yillarda bu jamoalar o'rtasidagi uchrashuv keskin va qiziqarli kurashlarga boy tarzda o'tmoqda. Aniqrog'i, derbilarga xos o'yin guvohiga aylanishmoqda muxlislarimiz. Bu safargi qarama-qarshilik ham oldingisidan farq qilgani yo'q. Har ikki jamoa o'yin boshidan bugun maydonga faqat g'alaba uchun maydonga tushganini isbotladi. 3-daqiqada vakillarimiz raqib darvozasi tomon birinchi zarbani berishdi. Suhrob Berdievning zarbasiga aniqlik etishmadi. 19-daqiqada hisobni ochishag erishdik. Qanotdan Suhrob Berdiev tomonidan oshirilgan to'pni Filip Rayevats boshi bilan raqib darvozasiga joylab qo'ydi. 36-daqiqa mezbonlar ijrosidagi xavfli vaziyat gol bilan yakunlanishiga bir bahya qoldi. Burchakdan oshirilgan to'pni Sherzod Hakimov boshi bilan darvoza tomon yo'lladi. To'p darvoza ustuniga tegib qaytdi. Birinchi bo'lim yakunlanishi arafasida mezbonlar hisobni tenglashtirishgandi. Biroq Sherzod Hakimov o'yindan tashqari holatda qolib ketgani bois, gol inobatga olinmadi. Jamoalar tanaffusga shu hisobda chiqib ketishdi. Ikkinchi bo'limni vakillarimiz faol tarzda boshlashdi. Keyin esa ustunlik maydon egalari tomoniga o'tdi. 63-daqiqa mezbonlarning uzoq davom etgan hujumini Sherzod Hakimov gol bilan yakunladi. 66-daqiqa Pavlenkoning zarbasini Ashurov qaytardi. Oradan bir daqiqa o'tib Jalil Kimsanov jamoamizni muqarrar goldan saqlab qoldi. 78-daqiqada Akramov-Rayevats kombinatsiyasidan keyin Nosir Otaqo'ziev maydon egalri darvozasiga ikkinchi to'pni kiritdi. 82-daqiqada maydon egalari bir kishi kam bo'lib qolishdi.  Dilyor Ermatov hakam tomonidan ikkinchi marta ogohlantirilib, maydondan chetlatildi. Qolgan daqiqalarda futbolchilarimizga omad biroz etishmadi. Ikki marta mezbonlarni darvoza tusini qutqardi. Shu tariqa jamoamiz viloyat derbisida g'alaba qozonib, ochkolari sonini ettiga etkazib olishdi. Oliy liga 4-tur “Neftchi” – “Qo'qon-1912” – 1:2 (0:1) Hakamlar: Baxtiyor Namozov (Toshkent), Timur Galeev (Toshkent), Akbar Po'latov (Toshkent), Asker Najafaliev (Toshkent) Nazoratchi: Sayfitdin Ermatov (Toshkent). O'zPFL vakili: Grigoriy Rtveladze. Gollar: Sherzod Hakimov – 63. – Filip Rayevats 19, Nosir Otaqo'ziev-78. “Neftchi”: 1. O'tkir Yusupov, 2. Sergey Kontsevoy, 8. Umid Qodirov, 9. Sherzod Hakimov, 11. Abbos Maxsitaliev, 14. Terentiy Lutsevich, 15. Husniddin G'ofurov (26. Otabek Isroilov-58), 18. Javohir Rasulov (7. Akram Bahriddinov-46), 20. Dilyor Ermatov, 27. Nikita Pavlenko (30. Said Abdujabborov-77), 55. Dmitriy Komarovskiy. Zaxira: 25. Ruslan Mantiyazov, 5. Hamza Karimov, 6. Baxtiyor Yoqubov, 10. Mo'ydin Mamazulumov. “Qo'qon-1912”:  12. Aziz Ashurov, 4. Bahodir Akramov, 5. Jalil Kimsanov, 10. Javohir Sidiqov (9. Nosir Otaqo'ziev-76), 11. Andrey Sidorov (97. Oybek Rustamov-52), 19. Suhrob Berdiev, 23. Aleksandr Merzlyakov, 24. Ibrohim Rahimov (7. Jamshid Hasanov-60), 26. Akmal Xolmurodov, 77. Murod Xolmuhammedov, 99. Filip Rayevats. Zaxira: 21. Muzaffar Abdullaev, 8. Sobir Hamidov, 85. Ruslan Melziddinov, 96. Muhammadanas Hasanov.
— deya xabar beradi uff.uz nashri.