"Everton" klubi bosh murabbiyi Ronald Kuman hujumchi Romelu Lukakuni jamoada olib qolish uchun barcha ishni qilishga va'da berdi. "Agar hammasi menga bog'liq bo'lganida? Albatta, men uni kamida yana bir mavsum saqlab qolgan bo'lardim", - deydi Kuman. Shuningdek, Ronald Lukakuning EChL o'ynash orzusini ro'yobga chiqarish maqsadida klub yirik investitsion loyiha ustida ish olib borayotganini aytib o'tdi. "Biz klubga investitsiya kiritamiz va jamoani kuchaytirish yo'lida barcha ishni qilamiz. Men bu loyihaga ishonaman, klub prezidenti ham buni amalga oshirishga bel bog'lagan. Bu juda qiziq loyiha. Agar bizga kuchli futbolchilar kerak bo'lsa, ularni sotib olamiz. Hozirda biz biror futbolchini sotib yuboradigan emas, aksincha yangi o'yinchilar sotib oladigan holatdamiz", – deya qo'shimcha qildi Kuman.
— deya xabar beradi uff.uz nashri.