Ispaniya chempionatining 24-turidan o'rin olgan «Real Madrid» – «Alaves» uchrashuvida ikkala jamoaning asosiy tayanch yarim himoyachilari Markos Lorente va Kazemirolar maydonga tusha olmaydilar. Braziliyalik yarim himoyachi diskvalifikatsiya sabab maydonga tusholmasa, «Alaves»ga ijaraga berilgan Markos kelishuvga ko'ra o'z jamoasiga qarshi o'yinda harakat qilolmaydi. Kazemiro va Lorente o'z jamoalarida asosiy rolni bajaradilar va ularsiz ikki klub ham o'z darajasida harakatlana olmaydi. Kazemiro madridliklar safida Ramos va Marselodan so'ng eng ko'p maydonda harakat qiladigan futbolchi bo'lsa, Lorente ushbu mavsum o'zini har tomonlama ko'rsatmoqda. «Real» 22 yoshli ispaniyalik yarim himoyachini ortga qaytarish masalasini jiddiy ko'rib chiqmoqda. Kelasi mavsumda ushbu futbolchilar «Real» asosiy tarkibiga kirish uchun, jiddiy raqobatchilarga aylanishlari mumkin.
— deya xabar beradi uff.uz nashri.