Bugun Oliy Liga 4-tur uchrashuvlari doirasida mamlakatimizning amaldagi chempioni – “Lokomotiv” “Olmaliq”qa qarshi bahs olib bordi va yirik – 5:0 hisobida g'alabaga erishdi. O'yindan so'ng o'tkazilgan matbuot anjumanida “Loko” ustozi Andrey Miklyaev quyidagicha fikr bildirib o'tdi: - Qayd etilgan natijadan mamnunmiz. Bugun o'yinimiz juda ham qovushdi va natijada birin-ketin gollar kiritishni uddaladik. Muhammadiev va Kapadzeda jarohat bor ekani sabab ular bugun bizga yordam bera olishmadi. Bugun barcha yaxshi harakat qildi. Yigitlar ancha mazmunli o'yin namoyish etishdi va berilgan topshiriqlarni maydonda yaxshi bajara olishdi. Ayniqsa, Ikrom Aliboevning o'yini ancha mazmunli chiqdi. U uzoq muddatli jarohatdan so'ng safga qaytdi. Umid qilamanki, keyingi uchrashuvlarda ham mana shunday yoqrin o'yinlar guvohiga aylanamiz, - deydi tajribali mutaxassis.
— deya xabar beradi uff.uz nashri.