"Qizilqum" - "Buxoro" (0:1) uchrashuvidan so'ng mehmonlar ustozi Ulug'bek Baqoev o'z fikrlarini bildirdi. "Bizni Navoiyda juda og'ir uchrashuv kutganini bilar edik. "Qizilqum" jamoasi O'zbekistonning kuchli klublaridan biri. O'rta chiziqda juda kuchli futbolchilari bor jamoaga qarshi o'ynash doimo qiyin. Biz ketma-ket ikki mag'lubiyatdan so'ng qanday bo'lmasin ijobiy natija qayd etishimiz shart edi. Futbolchilarimiz murabbiylar ko'rsatmalarini bexato bajarishdi shu sababli bugun g'alaba qozondik. Futbolchi va muxlislarimizga rahmat aytaman. Barchani g'alaba bilan tabriklayman", - deydi Ulug'bek Baqoev.
— deya xabar beradi uff.uz nashri.